Dashi
Ndikimi shumë i dobishëm i Jupiterit do të ndihet veçanërisht në fushën e dashurisë, pasi ai do të kujdeset për jetën në çift, do të rrënjosë harmoninë, do të rrisë mirëkuptimin dhe intimitetin mes jush. Nëse jetoni vetëm, ka shumë të ngjarë që të keni një takim kuptimplotë. Ju mund të përfitoni nga një kombinim i rrethanave veçanërisht të favorshme në frontin financiar. Mund t’ju ofrohen mundësi që do t’ju ndihmojnë të planifikoni investime shumë të mira ose transaksione në bursë. Vlerësimi është 8 pikë.
Demi
Nën mbrojtjen e Venusit, marrëdhënia në çift do të jetë e thellë, do të jeni të dashur dhe bashkëpunues me njëri-tjetrin. Nëse jeni beqarë, ky aspekt i Venusit do të favorizojë ëndrrat tuaja të dashurisë. Sharmi juaj do t’ju ndihmojë të keni sukses me personin që ju pëlqen shumë. Situata juaj financiare pritet të jetë e qëndrueshme dhe mund të përkushtoheni më shumë për të përmirësuar standardin tuaj të jetesës. Ndokush prej jush mund të përfitojë ndonjë bonus, ndërsa të tjerët mund të kursejnë para thjesht duke organizuar më mirë buxhetin e tyre. Vlerësimi është 8 pikë.
Binjakët
Klima e dashurisë nuk do të jetë shumë komode këtë javë. Keqkuptimet do të bëhen shkak që të humbisni durimin. Do të keni një luftë të brendshme mes dëshirës për t’u ndier të lirë dhe shqetësimit për të ruajtur atë që keni ndërtuar me mund. Mund të ndjeni gjithashtu një tërheqje të zjarrtë të pakuptueshme ndaj një personi tjetër. Disa beqarë të shenjës mund të ndiejnë dashuri me shikim të parë, me të gjitha rreziqet që kjo sjell. Kujdes të mos i shpërdoroni paratë, sepse nga kjo mund të lindin mosmarrëveshje me partnerin. Por duke qenë se ju e mbuloni me dhurata, ai nuk do të jetë në gjendje t’ju mbajë qëndrim për shumë kohë. Vlerësimi është 7 pikë.
Gaforrja
Jeta në çift do t’ju sjellë kënaqësi pa fund, nëse do ta përfshini partnerin në planet tuaja dhe të mos e lini mënjanë. Suksesi i një marrëdhënieje varet mbi të gjitha nga sa gjëra bëni së bashku, nga koha cilësore e kaluar në çift. Nëse jeni beqarë, jeta juaj e dashurisë do të marrë një kthesë të re. Falë Venusit, do të shijoni një nga javët më të mira të vitit, kur bëhet fjalë për çështjet e zemrës. Planeti Mërkur do të ndikojë pozitivisht në financat tuaja. Era do të fryjë në favorin tuaj. Vetëm ata që i përkasin dhjetëditëshit të parë të shenjës, mund të humbasin mendjen pas gjërave të kota dhe të mbeten trokë. Vlerësimi është 7.5 pikë.
Luani
Planeti i mirë Venus do të kujdeset për jetën tuaj sentimentale. Martesa juaj mund të vihet në provë, por më pas do të stabilizohet. Një udhëtim i shkurtër me të dashurin mund të bëjë mrekulli për të forcuar lidhjen tuaj. Nëse jeni beqarë, pritet që të keni takime të reja. Në aspektin ekonomik, Plutoni mund të dobësojë situatën tuaj financiare, ndërsa Dielli do t’ju mbështesë. Nëse keni marrë kredi të madhe dhe keni vështirësi në shlyerjen e saj, negocioni me bankierin tuaj dhe, mbi të gjitha, harrojeni dëshirën për të bërë blerje të reja. Vlerësimi është 7 pikë.
Virgjëresha
Rrallëherë qëllon që ju të bëni lëvizjen e parë në dashuri, por Venusi në pozicion të favorshëm do t’ju ndihmojë të realizoni dëshirat tuaja më të fshehta, duke ju dhënë kurajë për të kapërcyer ndrojtjen tuaj të zakonshme. Vazhdoni kështu, pavarësisht nëse jeni beqar apo çift. Do të shihni që nuk do të pendoheni: kushdo që guxon fiton. Gjendja financiare do të jetë e stabilizuar. Bilanci do të jetë i qëndrueshëm për sa kohë që nuk e teproni me shpenzimet. Duhet të theksohet një pikë: disa Virgjëresha mund të shohin që problemet financiare të së kaluarës rishfaqen. Nëse keni bërë ndonjë shkelje ligjore, me siguri që do t’ju zbulojnë. Vlerësimi është 7.5 pikë.
Peshorja
Venusi mund t’ju mashtrojë, veçanërisht nëse zemra juaj është e lirë. Ky planet i dashurisë do t’ju bëjë ta shikoni gjithçka si fushë me lule dhe të dashuroheni marrëzisht me dikë që nuk ka as një të dhjetën e cilësive që i atribuoni. Mos u dorëzoni verbërisht pas pasionit, pasi do të pendoheni. Por kjo këshillë me shumë mundësi nuk do të zbatohet. Urani dhe Neptuni do të jenë në sektorin tuaj financiar. Kombinimet e tyre negative mund të destabilizojnë bilancin tuaj, duke ju bërë të kryeni shpenzime të papritura, ose duke shkaktuar keqkuptime me kreditorët ose debitorët tuaj. Vlerësimi është 6.5 pikë.
Akrepi
Mërkuri do t’ju ndihmojë të futni pak fantazi në jetën tuaj në çift, me efektin për ta gjallëruar atë. Do të arrini të merreni vesh shumë mirë me partnerin. Nëse jeni beqarë, nuk pritet që të ndodhë asgjë e re këtë javë, vetëm ndonjë aventurë ose flirt në fundjavë. Mos nxitoni derisa të jeni plotësisht të sigurt për veten dhe ndjenjat e tjetrit. Duke pasur parasysh aspektin e Saturnit, është në interesin tuaj të tregoheni të matur dhe të jeni të organizuar në çështjet financiare. Gjithçka do të shkojë mirë për ata që janë në gjendje të menaxhojnë buxhetin e tyre me maturi. Përkundrazi, të pakujdesshmit, ata që presin ndihmën e të tjerëve, do të gjenden në situata të vështira. Vlerësimi është 6.5 pikë.
Shigjetari
Ju dhe partneri juaj do të shkoni mirë falë aspektit harmonik të Venusit. Ky planet do t’ju zgjojë sensualitetin dhe do t’ju ndihmojë të krijoni një dialog të frytshëm me të dashurin e zemrës. Nëse jeni beqarë, do të jeni të vendosur të merrni në dorë fatin tuaj dhe nuk do ta toleroni kurrsesi talljen. Nëse do të ndiheni të mashtruar nga një person tërheqës, do të dini si të hakmerreni. Dielli dhe Venusi do t’ju lejojnë të vlerësoni avantazhet e investimeve tuaja financiare, duke u siguruar që llogaria juaj bankare të mbetet në gjendje të shkëlqyer. Vetëm lexoni me kujdes gjithçka që firmosni: me Neptunin negativ, gabimet janë gjithmonë të mundshme! Vlerësimi është 8 pikë.
Bricjapi
Qielli është pa dyshim gati për t’ju ofruar marrëdhënien e dashurisë së ëndrrave. Lidhja me partnerin do t’ju sjellë gëzim dhe kënaqësi. Do të merreni vesh shumë mirë bashkë dhe do ta mbështetni njëri-tjetrin. Nëse jeni beqarë, Jupiteri mund t’ju befasojë me një takim të rëndësishëm. Nëse do t’ju jepet rasti të njiheni me një person që e mendoni si të paarritshëm, mos hezitoni ta takoni, ju mund të jeni në gjendje të shkrini zemrën e tij të akullt. Sektori financiar do të ketë disa ndikime negative. Rrini të qetë, kjo nuk është diçka që mund të rrezikojë ekuilibrin tuaj ekonomik. Megjithatë, mund të keni vonesa në pagesa, në një kohë kur do të bombardoheni me afate. Bëni kujdes pra. Vlerësimi është 6.5 pikë.
Ujori
Nëse jeni të martuar, ndikimet planetare të kësaj jave do t’ju bëjnë të përjetoni momente të bukura, por edhe tensione në marrëdhënien me partnerin. Megjithatë, nëse i përkisni dhjetëditëshit të dytë të shenjës, një dashuri e re mund të trokasë. Kini kujdes, kjo mund të jetë me zarar për ju. Nëse jetoni vetëm, një koktej planetar do të ndikojë në provokimin e një dashurie të madhe, por edhe do t’ju përballë me zgjedhje të vështira. Dielli do të formojë disa konfigurime shumë të bukura, por mos llogarisni se do t’ju sjellë fitime të jashtëzakonshme në fushën e financave, mjafton që do të keni disa ditë me fat. Vlerësimi është 7.5 pikë.
Peshqit
Ata që janë tashmë të martuar, mund të përjetojnë një muaj mjalti të dytë. Në çdo rast nuk do t’ju mungojë imagjinata për t’i treguar dashurinë partnerit, i cili do t’jua kthejë në të njëjtën mënyrë. Nëse jeni beqarë, do të kërkoni më kot një klimë më pasionante. Ndjesitë që do të përjetoni nuk do t’jua mbushin shpirtin. Nuk do të kënaqeni me deklarata gjysmake dashurie, edhe nëse ju pëlqen të flirtoni. Financat tuaja do të jenë të mira dhe nuk do ta keni problem të përballoni të papriturat. Megjithatë, mos u dorëzoni para dëshirave tuaja të çmendura për blerje, sepse përndryshe do ta gjeni veten në rrugë pa krye. Vlerësimi është 8 pikë.