Dashi – Ditë e tensionuar kjo e sotmja për të gjithë ata që janë në një lidhje. Do jeni ndërmjet ambicies profesionale dhe dëshirës për t’i kushtuar kohe familjes suaj. Mos e lini pas dore partnerin sepse situata mund të ndërlikohet shumë. Financat duan një riorganizim tërësor. Vetëm kështu mund të arrini atë që dëshironi.
Demi – Nëse nuk doni që jeta juaj në çift të marrë një kthese të gabuar, duhet të mundoheni të largoni rutinën sa më parë dhe të shprehni më shumë ato që ndjeni. Financat do jenë problematike kështu që shmangni çdo shpenzim të tepruar.
Binjakët – Do mërziteni mjaft me diçka që do iu thotë partneri sot dhe nuk do dëshironi fare të qëndroni pranë tij. Mundohuni ta kaloni kohën me miqtë dhe jo të mbylleni në vetvete. Financat do fillojnë të përmirësohen pak nga pak. Do ndiheni më mirë për këtë fakt.
Gaforrja – Do jeni të paarsyeshëm dhe të pakontrollueshëm gjatë kësaj dite në jetën tuaj në çift. Kjo do të krijojë disa mosmarrëveshje me partnerin të cilat do iu mërzitin tej mase. Në planin financiar nuk duhet të jepni hua sepse as situata juaj nuk është dhe aq e qëndrueshme.
Luani – Perspektivat janë të mira për jetën sentimentale të çifteve. Do kuptoheni më së miri me atë që keni në krah dhe do bëni gjithçka në bashkëpunim me njëri-tjetrin. Fati do jetë me ju në planin financiar. Shfrytëzojeni ditën!
Virgjëresha – Asnjë problem nuk pritet gjatë kësaj dite në jetën tuaj në çift kështu që përfitoni për të folur mbi diçka qe nuk keni mundur deri më tani. Ai që keni në krah do iu dëgjojë me shumë kujdes. Në planin financiar shpenzoni aq sa ua mban xhepi, mos e teproni.
Peshorja – Çiftet duhet ta lënë veten të lirë dhe të hidhen me sy mbyllur në detin e pasionit dhe emocioneve. Çdo gjë do shkoje për mrekulli sot. Situata financiare do jetë e qëndrueshme dhe aspak problematike, qetësohuni.
Akrepi– Ditë plot ngjyra kjo e sotmja për ata që janë në një lidhje. Do të kuptoheni mjaft mirë me atë që keni në krah dhe do të sqaroni gjithë mosmarrëveshjet që keni pasur. Në planin financiar duhet të tregoheni të matur dhe të kujdesshëm.
Shigjetari – Pozicioni i mirë i Venusit do të ngrohë mjaftueshëm klimën në jetën tuaj në çift sot. Çdo gjë do ta bëni në bashkëpunim me partnerin/en. Financat do të jenë të mira për aq kohë sa të menaxhoni me kujdes dhe maturi të ardhurat që keni. Nëse kaloni limitin, do të keni vështirësi.
Bricjapi – Në planin sentimental Mërkuri do të ketë ndikim shumë të madh. Do të jeni më të sigurtë për dashurinë që ndjeni ndaj partnerit dhe do t’ia shprehni atij më tepër ndjenjat. Financat nuk do të kenë asnjë problem. Shpenzoni pak më tepër për gjëra të domosdoshme.
Ujori – Mjedisi yjor do të ketë ndikim shumë të madh në jetën tuaj sentimentale. Kujdes me çdo gjë që do të thoni apo me veprimet që do të bëni nëse nuk doni të keni probleme. Financat do të jenë të mira për ata që kanë treguar kujdes me shpenzimet, ndërsa për ata që e kanë tepruar do të kenë vështirësi.
Peshqit – Mosmarrëveshjet në çift do të jenë të shumta gjatë kësaj dite dhe nuk do të ndihemi mirë. Mos vazhdoni me kokëfortësinë tuaj sepse do të keni probleme akoma më serioze. Në planin financiar do të shpenzoni mjaftueshëm dhe kjo mund të sjellë probleme.