Prapavijës së Mërkurit më në fund i erdhi fundi dhe prej ditës së djeshme fati i çdo shenje do të vijë drejt përmirësimit. Gjithsesi, ne ju këshillojmë që deri në fund të kësaj jave, të tregoheni të kujdesshëm në komunikim pasi Mërkuri ka një periudhë “hije”. Në vijim, duam t’ju tregojmë sesi do të jetë situata e përgjithshme e të lindurve në secilën shenjë të zodiakut:
DASHI: Dita më me fat pas përfundimit të prapavijës së Mërkurit: 20 maji. Gjatë periudhës që lamë pas jeni ndjerë të pamotivuar dhe kishit humbur besimin në vite. Gjatë ditëve të ardhshme do të lini pas këto ndjesi mbytëse dhe do të përqendroheni tek ëndrrat tuaja. Dëgjoni zemrën dhe intuitën pasi çdo plan që keni vendosur të ndiqni do të sjellë rezultate pozitive. Tani sfidat kanë përfunduar dhe jeta do t’ju duket sërish e bukur.
DEMI: Dita më me fat pas përfundimit të prapavijës së Mërkurit: 16 maji. Jupiteri hyn në shenjën tuaj përgjatë kësaj dite duke sjellë një motivim për të ndryshuar disa aspekte të jetës. Jo çdo ndryshim është negative, ndaj mos u trembni. Duke i pranuar këto ndryshime mund të evoloni dhe të tërhiqni pranë vetes suksesin që meritoni. Mund të doni të eksperimentoni në fushën e karrierës duke lënë pas një vend pune dhe duke u përqendruar te një tjetër.
BINJAKËT: Dita më me fat pas përfundimit të prapavijës së Mërkurit: 15 maji. Përgjatë ditës së sotme, ky planet do t’ju ndihmojë duke ju motivuar të merrni përsipër iniciativa të reja. Kështu, do të jeni më të fokusuar për të realizuar një projekt të cilin e keni lënë pezull prej një kohe të gjatë. Plutoni momentalisht është në prapavijë në shenjën e Ujorit, duke ju ndihmuar të çlironi çfarë ju pengon të ecni përpara.
GAFORRJA: Dita më me fat pas përfundimit të prapavijës së Mërkurit: 19 maji. Lidhja mes Afëditës dhe Saturnit do t’ju motivojë të ndërmerrni hapa të cilat do t’ju afrojnë drejt asaj që dëshironi. Keni disa kohë që ndiheni sikur nuk meritoni të jeni në një raport të lumtur dashurie. Mos u shqetësoni pasi ky ka qenë efekti i planetit të komunikimit dhe situata do të vijë drejt përmirësimit. Kini besim te marrëdhënia juaj dhe kaloni sa më shumë kohë me partnerin tuaj.
LUANI: Dita më me fat pas përfundimit të prapavijës së Mërkurit: 19 maji. Ndonjëherë ju duket se në jetën tuaj nuk po ndodh asgjë emocionuese ndërkohë që të tjerët po kalojnë aventura nga më të ndryshmet. Përpiquni të qëndroni të ekuilibruar pasi shumë shpejt do të vijnë ndryshimet që keni ëndërruar. Do të vini re se jeta romantike dhe profesionale do t’ju përmbushë plotësisht. Mund t’ju ofrohet një mundësi fantastike në fushën e karrierës që dëshironi dhe Hëna e re në Dem do të ndikojë pozitivisht në këtë aspekt. Duhet vetëm pak durim.
VIRGJËRESHA: Dita më me fat pas përfundimit të prapavijës së Mërkurit: 18 maji. Gjatë gjithë kësaj kohe keni qenë duke menduar për suksesin dhe mënyrave sesi mund të shkoni një hap pranë tij. Mund të themi që tre javët e shkuara, koha duket se ka ndaluar për ju, por mos u shqetësoni pasi ky ka qenë efekti i Mërkurit. Keni pasur në mendje shumë plane të cilat nuk janë realizuar, por mos harroni se universi ka planet e tij. Jeni në rrugën e duhur ndaj mos bëni krahasime me njerëzit tuaj të afërt. Marsi në Luan do t’ju mbushë me guxim dhe pozitivitet.
PESHORJA: Dita më me fat pas përfundimit të prapavijës së Mërkurit: 21 maji. Këto kohë jeta për ju ka qenë e mbushur me nuancat e së bardhës dhe së zezës. Më në fund me kthjelltësi po kuptoni se ajo në fakt është gri dhe jo aq e parashikueshme. Ju këshillojmë të hiqni dorë nga planet dhe të jetoni momentin. Shijoni ditët e ardhshme aq sat ë mundeni dhe kushtojini kohë vetes dhe familjes. Siguria artificiale pas së cilës jeni kapur nuk do t’ju ndihmojë. Në vijim do t’ju duhet të merrni vendime spontane pa i ditur rregullat e lojës. Thjesht kini besim dhe tregohuni vigjilentë.
AKREPI: Dita më me fat pas përfundimit të prapavijës së Mërkurit: 27 maji. Në këtë datë Afërdita do të shkëputet plotësisht nga energjia shkatërruese e Plutonit. Do nisni ta shihni botën me romanticitet dhe pozitivitet. Ka mundësi të njiheni me njerëz të rinj të cilat mund t’ju ngjallin interesin që të nisni sërish takimet romantike. Do të nisni të përqendroheni vetë te vetja dhe do të ndiheni më të lumtur. Jeni lodhur së jetuari për të tjerët dhe tani do të nisë faza juaj e “rebelimit”. Dilni nga zona e rehatisë dhe përqafoni ndryshimet e vogla.
SHIGJETARI: Dita më me fat pas përfundimit të prapavijës së Mërkurit: 20 maji. Duhet të kuptoni se opsionet që keni përpara janë të panumërta, por duhet të vendosni destinacionin që doni të arrini. Kini kujdes me zgjedhjet që do të bëni gjatë kësaj periudhe, pasi nëse nuk mendoheni me kujdes mund të pendoheni. Mos u tregoni impulsivë dhe mos u nxitoni pasi keni të gjithë kohën që ju duhet në dispozicion. Marsi në Luan do t’ju ndihmojë përgjatë procesit të marrjes së vendimeve duke ju larguar dyshimet dhe frikën. Ju këshillojmë të këshilloheni me të afërmit tuaj dhe njerëz që i besoni. Mos ndani informacione delikate me njerëz të cilët nuk i njihni mirë.
BRICJAPI: Dita më me fat pas përfundimit të prapavijës së Mërkurit: 19 maji. Mos u ndjeni keq nëse keni nevojë për pushim. Muaji i fundit ishte tërësisht i fokusuar te puna. Ndonëse karriera ka marrë të gjithë energjitë tuaja, po nisni të kuptoni se nuk kishte asnjë vlerë pasi jeni të zhgënjyer. Tani që efekti i planetit të komunikimit po venitet, do të nisni t’i dedikoheni më shumë kujdesit për veten dhe familjen. Gjetja e ekuilibrit është thelbësore gjatë kësaj periudhe pasi do të kuptoni se mund të keni lënë pas dore jetën romantike dhe familjen.
UJORI: Dita më me fat pas përfundimit të prapavijës së Mërkurit: 27 maji. Në këtë datë, Venusi do të harmonizohet me Uranin, planetin tuaj kryesor. Ky bashkim do t’ju ndihmojë t’i shihni gjërat më qartë sidomos në prizmin e karrierës. Do të arrini të kuptoni se puna që po bëni është kthyer në të vetmin burim lumturie në jetën tuaj. Këshilla jonë është që të përqëndroheni më shumë te familja dhe marrëdhënia romantike, pasi keni nisur të mbylleni shumë në vetvete. Një udhëtim përpara përfundimit të muajit do të ishte një zgjedhje e mirë. Eklipsi hënor në shenjën e Akrepit do t’ju ndihmojë të çliroheni dhe të vendosni prioritete të reja.
PESHQIT: Dita më me fat pas përfundimit të prapavijës së Mërkurit: 20 maji. Gjatë këtyre ditëve do të shihni një ndryshim në perspektivë. Do të vini re se ndiheni më të rritur dhe keni akulmuluar shumë dije të cilat do t’i vendosni në zbatim. Tani ka ardhur momenti të hiqni dorë nga pasiguritë dhe të shëroni fëmijën brenda jush. Nuk mund të qëndroni më në hije dhe ju duhet të bëni një zgjedhje për të adhmen tuaj. Ju e dini humë mirë çfarë doni ndaj mos e humbisni fokusin. Jeta nuk ka vetëm vështirësi dhe eklipsi në shenjën e Akrepit do t’ju bëjë të përjetoni ndjesi më pozitive. Ai do të ndikojë pozitivisht në arritjen e stabilitetit që kërkoni.